Page 515 - ATLANTE_LINGUISTICO_SICILIA

La festa di Santu Vitu, sì, chiḍḍṛa principali. Chissa principali e aṛṛistà. Apprimu
cc’eranu li festi… festi diçémuci chi unu finìa di lavurari, lu ṭṛasbòiddu, si uncìanu
lu cupàggiu e ssi façìa la schiticchiata. Ogni mmese, ogni… sì, si façìa…
un’abbitudine, poi pian piano, piano piano si sono finiti questi cosi… Apprimu la
festa di Pasquetta si ìa a Miragghianu… San Vitu è i pprotettori di Mazzara, di li
marinara. Apprimu si façìa u mmisi di festi… e cc’era jocu di pignati, jocu di ntinni,
jocu di cùissi di cavaḍḍṛu, cùissi di biçichetti, cùissi di natari, ih… cc’éranu…
cc’era cùissi di sacca, ih… cc’era vinti jorna sempi di festa e ppoi piano piano,
piano piano… se… pianu pianu pianu pianu… e vvinìa tutta la Siçìlia a Mmazzara,
âssisti questi questi ggiochi festi ṭṛadizzionali, ora si nni vannu tutti i ddiscoteca,
un si viri cchiù nnenti. La proçessioni, lu jocu di focu addiunu… picchini si va di
matinu… a li quaṭṭṛu di matinu e ddopu… Cci vestìvamu tutti di marinai e
ṭṛasportàvamu il ssanto, il giro de ppaese, dopu lu mbarcàvamu supra una bbarca,
uscìvamu, aṛṛivàvamu di fronde la chiesa di Santu Vitu, ah… e ddopu
ṛṛiturnàvamu, colla bbanta, co la musica, tutta la çittà in festa eh, e si façìa…
123 Favignana
Diçiamu cusì, una delle prime tradizzioni delle festività religgiose è cchiḍḍa di San
Giuseppi, ca a sera prima ri San Giuseppi si vannu a bbinirìçiri i panuzzi, ca a fi
de conti tutti i famigghi sî pìgghianu. Chissi panuzzi in fi de conti unn’è ca si
màncianu, si ponnu manciari, ma si tennu ncasa ncasu di malu tempu, di quannu
cc’è malu tempu rossu, diçiamu così, si pìgghianu sti panuzzi, si jèccanu a mmari,
pi ccircari di abbunnazzari u ventu quannu cci sunnu venti forti ca cci sunnu i
piscatura puru fora, cc’è la tradizzioni che i fìmmini pìgghianu sti panuzzi è i
jèccanu a mmari immodu ca San Ciuseppi cci porta bbunazza. ..tradizzioni
noṣṭṛe...ppoi nniaṭṛi avemu a noṣṭṛa Madonna rû Rrosàriu ca è a proteṭṭṛiçi ri
piscatura, diçiamu di Favignana...la noṣṭṛa santa proteṭṭṛiçe, chissa ddocu si fa
nnû mesi di ottobbri, u siette ottobbri veni fatta sta festività, un rritu anticu ca si
coinvolge tutta a marinerìa, ora nell’ultimi anni si è voluta fari façennu u corteu a
mmari, purtannu a Maronna rû Rrosàriu a mmari, però nno u ggiornu che decade,
picchì u iornu che decade, siccomi è ottobbri, cc’era sempri malu tempu, allura
abbiamo penzatu nzèmmula cû preti dô loco di falla a ferragostu che cade a
Maronna ri ferragosto, Annunziata. È da otto anni che ssi fa, diçiamu così, il
quìnnici d’agosto, la sera di ferragosto si fa stu corteo, si fa a bbenedizzioni ai
varchi e a ttutti, si jetta a mmari na curuna di ciuri pî caduti a mmari. Chissa è na
bbella cosa che è enṭṛata nella ṭṛadizzioni favignanesi ca ogni annu si fa, anchi
picchì comu rritu, a Maronna rû Rrosàriu anticamenti ammenu è statu che quannu
a sira, ca niaṭṛi façemu coincideri a prucissioni, cull’oràriu quannu si fa bbùiu,
diçiamu così, allura si fa scìnniri e ssi porta ô portu dunni ca cci sunnu tutti i varchi
ca s’illùminanu tutti, s’accèndonu tutti i luci, si fa la bbenedizzioni a ttutti i varchi,
poi cci sunnu i ggiochi d’artifìciu, è na ṭṛadizioni ca l’anziani nni lassaru e che
nniaṭṛi continuiamu a ffari, che duranti a proçessioni a varca si ferma dda e cci
sunnu tutti sti ggiochi d’artifìciu. Auṭṛi festi sunnu ca cc’è u Signuri, u paṭṛuni ri
l’ìsula diciamu cusì ma di particolari cû mari un cc’è nnenti, si organìzzanu
manifestazioni piu che aṭṭṛu.

124 Pantelleria
Cc’è Ssanto di Pantelleria San Fortunato, però prima si façeva il ventiquaṭṭṛu e u
vinti nove di ggiugno si festeggiava San Giovanni e Ssan Pieṭṛo, cc’erano feste di
bbarche a rremi, a vvela e l’antenna a mmare dei rragazzi co l’antenna col sapone,
cc’erano queste feste bbelle, poi a tterra façevano i sacchi, correvano gli asini,
cc’era bbelle feste, ora si è interrotto tutto, non si fa ppiù nniente. Una volta il lago

510