Page 534 - ATLANTE_LINGUISTICO_SICILIA

Áivvuli di néspuli, fiatta, cutugna,
guai si caccarunu si cci ngugna.
La ggenti di ḍḍṛa ngapu la talìa
chi ll’acqua sta façennu pulizìa.
Si vìrinu battelli e ppuru vàicchi nfunnu
parìa la fini di lu munnu,
sèippi e ggiurani, supa la fiatta
si fimmavanu nna lu capu di la chiatta.
Menḍṛi ṛṛitòinna l’àitta marea
la ggendi di ḍḍṛa ngapu si nni prea.
Tanda fu fòitti chi cupì la sṭṛata
e s’infilà dinḍṛa na casâ bbitata.
Una mamma çiccava li so picciriḍḍṛi
e li ṭṛova na la sṭṛata chi cògghinu anciḍḍṛi.
Iu mi ṛṛicòiddu fu na lu ṭṛentottu
chi ppi mmiràculu di Ddiu un zugnu mòittu.
Dda lu ponti cc’era attaccatu na bittulina
chi ccu la fùria di l’acqua ṛṛuppi la catina
tanti battelli si caṛṛicà agghiri fora,
si li purtà, parìa la fini di lu munnu,
ggiràvanu intunnu
aràçiâ ràçiu na lu chiaru e lu scuru
nni vulìa méttiri cu li spaḍḍṛi a lu muru.
Quannu lu çiumi accumincià a ccaimmari
Lu mè battellu m’ ì a cciccari.
Iu lu ṭṛuvai picchì eru presenti
di tutti l’aṭṛi un zi nni sappi cchiù nnenti.
Ddopu ṭṛi gghiòinna tuttu si queta
li scrivu tutti ma un zugnu pueta.
Ora iu un ṭṛavàgghiu cchiù
e lu me nnomi è Matté piccinu
a lu ma ṛṛòbbiu pénsacci tu.

123 Favignana
Cci nn’àiu ricordi bbelli ma nn’àiu puru unu tintu, làriu...si tu pensi che in fi de
conti ne mmillenovecentonovantanuvi (lunga pausa dovuta a un momento di grande
commozione) mi viene spontaneo, diçiamu ccussì...persi un frati nnô Canalî Sicìlia
ca si nn’ìu nfunnu câ varca nnô Canalî Sicìlia, ìu a ppiscari nnô misi ri lùgliu,
l’ùnnici lùgliu. Diçiamu u ventu si misi forti ri punenti nnô Canalî Sicìlia...ô bbancu
Skèrkini, dunni ca ìu dda notti mi ṭṛuvavu nterra ca ìu faciva a pisca rû piscispata,
dda notti mi ṭṛuvava nterra diçiamu ccussì ma puṭṭṛoppu era destinu chiamatu, u
mari si fiçi talmenti rossu ca l’acuppunau ri puppa, era talmenti rossu ca îccò
nfunnu ri puppa e nno di prua, e cchissa è na cosa... fu ripigghiatu all’indomani,
ma all’indomani me frati un cciâ fiçi cchiù, morse per assideramento, pû friddu. È
na storia, diçiamu chissa è nnegativa, pe quanto rriguarda i positivi diçiamu ìu a
mmarri cci nascivi picchì di ggenerazzioni amu fattu, ma diçiamu ca a cosa cchiù
mpurtanti è ca ìu sugnu nnamuratu rû mari che è ddiversu diçiamu ccussì, cci
nascivu ma mi piaci u mari, si tu a mmìa mm’alluntani rû mari ìu mi sentu...u mmi
cci ṭṛovu bbeni...diçiamu si no â gghiri a ffari u ṭṛavàgghiu nterra...picchì a mmari
tu ti senti lìbberu al di là si ssi paṭṛuni u marinaru… la stessa cosa, quannu tu
ṭṛavagghi e intantu ṭṛavagghi pi ttìa stissu picchì niaṭṛi i ṭṛavagghi chi ffaçemu

529