Page 49 - ambiente
P. 49
Natàli
Chi festa casi-casi! 'Nte curtigghia,
fìmmini, zziti e cristiani 'ranni
si cercanu famigghia eu famigghia,
jòcanu a cocciarèmi. Banni-banni
a pporta chiusa jòcanu cchiù forti:
si fannu 'u trentacinqu, 'a zicchinetta,
'u setti e mezzu,... Bona e mala sorti,
bistèmii e.. . lavatura di scupetta!
ù «Circulu » - agnunu c'usò vizziu,
cc'è bancu di bassetta, pocherinu,
-eu' joca p'a jurnata e eu' pi sfizziu-
cc'è 'u pizzaiolu, 'a vurpi, 'u nuvillinu...
Cu 'i mènnuli, a' fussetta, a fari paru,
'i picciuttazzi sunnu strati-strati...
- «Sfallisti? 'Sta scuppàta poi t'a 'mparu...
Cci jochi addritta'a còcula, me' frati?-
'A notti, 'n Chesa, a' nascit'aò Bamminu,
'i surdati a llicenza su' chiantàti
cull'occhi a' zzita- o a ecu' cc'è vicinu,
sutt'a' scala d'un pùrpitu, 'mpalàti.
Mimìu chi fetu! E chist'è brucculata!
- «Sbagliasti, 'u ziu, 'un si di nasu finu:
è rriordu di ghiotta accummurata,
di baccalà eu agghiuzza e pitrusinu! »
235
