Page 121 - allegorie

Trarimentu

Di jornu t'alliani: campi «a sceccu»;

ma 'a notti a posta, sulu... comu fai 1

s'unn'hai pinzeri, sicaretti e guai
e simenz'e finocchiu 'nto cileccu?

A ppàpari o a cunigghia, 'i prima sira,
- l'occhiu 'nta 'na ciaccazza o rrasu ò juncu-
a cuncumeddu acchianchi e attassi, ciuncu
rarrè 'na macchia o attagghiu di 'na mira..2

A 'na cert'ura scinni 'u libbicciolu,
e ssenti arrassu uliàr'un vecchiu cani:
s'adduma 'u faru e attàccan'i giurani,
prova un surcicullàli 'u radar-volu.

Mentr'era a posta, ae tani 'u Faragghiuni,

'na notti, 'u faru... pigghia e s'astutàu:
'na scecca- cull'insonnia- cci arragghiàu,
...successi un camputurcu gnuni gnuni!

Un varvajanni ò passu, - lu sbànnùtu! -
chi pinnuliava 'n mezz'a ddu' crafocchi,
c'u faru mortu app'a sbarrari l'occhi,
e sbuffa ò lantirneri: -«Gran curnutu,

sùsiti e adduma! » ...Fu un munnu currutu:
un cunzajolu persi l'angameddu...; 3

* per il Concorso Ottobre 1964, ma recitata fuori concorso
1 all'agguato
2 pira di pietrame
J rete da gamberi

171